Presidenti i Shqipërisë, Bajram Begaj, ka bërë të ditur se sot Këshilli i Sigurisë Kombëtare ka dhënë vlerësim për sulmet e fundit kibernetike.
Ai tha se është i nevojshëm bashkëpunimi institucional dhe kapacitete të zgjeruara parandaluese të sistemeve.
Tutje, ai u shpreh se mbështetja e ShBA-ve në lidhje me këtë çështje është thelbësore.
“Këshilli i Sigurisë Kombëtare vlerësoi sot sulmet e fundit kibernetike ndaj infrastrukturës kritike. Nevoja për bashkëpunim institucional dhe kapacitete të zgjeruara parandaluese të sistemeve tona, në aleancë me NATO-n dhe BE-në. Mbështetja e ShBA-së është thelbësore në identifikimin e tipologjisë dhe reagimit të agresionit kibernetik”, ka shkruar ai në Twitter.
National Security Council today assessed recent cyberattacks on critical infrastructure; need for institutional cooperation & enhanced preventive capacities of our systems, in alliance with NATO & EU. USA support is crucial in identifying the cyber agression typology & response.
— Bajram Begaj (@BajramBegajAL) October 10, 2022
