Kryetari i Aleancës për Ardhmërinë e Kosovës, Ramush Haradinaj ka thënë se anëtarësimi i Kosovës në NATO është zgjidhja.
Haradinaj, përmes një postimi në Facebook ka shkruar se rendi dhe ligji nuk kanë alternativë dhe sipas tij, duhet të forcohen në të gjithë vendin, pa përjashtim.
“Siguria e përgjithshme lehtëson dhe shpejton rendin dhe ligjin. Siguria dhe stabiliteti, forcon edhe ekonominë. Kosova në NATO është zgjidhja. Jo anasjelltas”, ka shkruar kreu i AAK-së.
Sipas tij, sa më afër që të jetë Kosova me NATO-n, aq më shumë do të ketë rend dhe ligj, e po ashtu edhe ekonomi të zhvilluar.
