Vrasja dhe plagosja e një pjesëtari të policisë së Kosovës në një sulm të ndodhur natën e së shtunës në të dielë shkaktoi vëmendje të madhe në mediat ruse.
RIA Novosti shkruan se “Kryeministri i Republikës së vetëshpallur të Kosovës, Albin Kurti, ka thënë se policia ka gjetur dhe rrethuar 30 persona të armatosur, të cilët dyshohet se kanë sulmuar policinë gjatë natës dhe se atyre iu është kërkuar që të dorëzohen. ”
RIA citon Ministrinë e Punëve të Brendshme të Kosovës të ketë thënë se “rreth orës 02:40 (03:40 me orën e Moskës) në urën afër fshatit Bansko, dy kamionë pa targa bllokuan hyrjen”. Policët e dërguar atje janë qëlluar nga sulmues të panjohur, të cilët thuhet se kanë përdorur granata dore dhe granatahedhës.
Dy pjesëtarë të policisë së Kosovës janë plagosur dhe janë dërguar në spitalin e Mitrovicës së Kosovës, njëri prej tyre ka ndërruar jetë.
Media ruse bën me dije se si Kurti ashtu edhe presidentja e Kosovës, Vjosa Osmani, më herët në rrjetet sociale kanë akuzuar “grupet kriminale serbe” për sulme ndaj policëve.
Ruska Gazeta shkruan se nënautoritetet e shqiptarëve të Kosovës kanë mbyllur hyrjen në veri të Kosoves postbllokut Jarinje dhe Bërnjak.
“Sipas informacioneve të pakonfirmuara zyrtarisht, hyrja në Kosovë nuk lejohet përmes pikës së Jarinjes, shkruan Gazeta.
Kommersant shkruan se natën e 24 shtatorit persona të panjohur kanë qëlluar në drejtim të policisë së Kosovës në veri .
“Në fshatin Banjskë, jo larg qytetit të Leposaviqit, janë sulmuar forcat policore të Kosovës, si pasojë e të cilit një polic kosovar ka mbetur i vrarë dhe një tjetër është plagosur. Në këto momente vijojnë granatimet e policisë sonë me armë zjarri të kalibrave të ndryshëm.
Portali rus Profile tregon deklaratën e Kurtit se “krimi i organizuar, me mbështetjen politike, financiare dhe logjistike të Beogradit zyrtar, po sulmon vendin tonë”.
Presidenti i Serbisë, kujton ky portal, paraprakisht ka shprehur mendimin se Kosova është në kërkim të një konflikti mes NATO-s dhe Beogradit. Ai tha se vendi i tij është sjellë me butësi, të cilën nuk e ka konsideruar dobësi, por përgjegjësi dhe seriozitet.
