Presidentja e Kosovës, Vjosa Osmani, foli sot për iniciativën franko-gjermane. Ajo tha se çdo iniciativë e partnerëve tanë është serioze.
“Iniciativa është që të intensifikohet procesi i dialogut dhe natyrisht që, si Franca, ashtu edhe Gjermania, kanë qenë historikisht partnerë aleatë dhe mbështetës të Republikës së Kosovës”, ka deklaruar presidentja para mediave.
Ekzistimin e një propozimi gjermano-francez në lidhje me dialogun dhe arritjen e marrëveshjes finale Kosovë-Serbi, e konfirmoi dje edhe kryeministri i Kosovës, Albin Kurti.
