Blinken mbërriti në Izrael: Do të kërkoj “masa konkrete” për të mbrojtur civilët palestinezë

Sekretari amerikan i Shtetit Anthony Blinken mbërriti në Tel Aviv mëngjesin e sotëm, me qëllim që të ushtrojë presion mbi autoritetet izraelite për të mbrojtur civilët palestinezë në Rripin e Gazës të shkatërruar nga lufta midis Izraelit dhe Hamasit.
Blinken, i cili po bën vizitën e tij të dytë në Lindjen e Mesme që nga fillimi i luftës më 7 tetor, do të takohet me kryeministrin Benjamin Netanyahu dhe do të marrë pjesë në një takim të kabinetit të sigurisë së qeverisë izraelite.
Para se të largohej, Blinken tha se do të kërkonte “masa konkrete” nga Izraeli për të zvogëluar rrezikun për civilët palestinezë, pasi presidenti i SHBA-së Joseph Biden bëri thirrje gjithashtu për “pauza humanitare” në luftë.