Prokuroria Speciale e Kosovës ka ngritur aktakuzë kundër 10 personave në rastin njohur si ”Subvencioni IV”.
Tetë nga ta janë zyrtarë dhe dy qytetarë.
“Prokuroria Speciale njofton se personat zyrtarë si të pandehur janë, tre (3) zyrtar nga Agjencia për Zhvillimin e Bujqësisë në Prishtinë, tre (3) zyrtarë të AZhB-së në Regjionin e Pejës, një (1) zyrtarë nga Drejtoria për Bujqësi në Komunën e Istogut dhe një (1) zyrtarë nga Drejtoria për Bujqësi në Komuna e Lipjanit”, thuhet në njoftimin e Prokurorisë Speciale.
Të pandehurit dyshohet se kanë kryer veprat penale “Marrje Ryshfeti”, ”Ushtrimi i ndikimit”, ”Ndihmë në veprën penale Marrje ryshfeti”, ”Mashtrim në detyrë”, ”Dhënie ryshfetit”, si dhe ”Mashtrim me subvencione”. /Kosovatimes/
