Presidentja Vjosa Osmani ka paralajmëruar një takim me partitë opozitare, ku do të diskutohet në lidhje me draft-statusin e Asociacionit të komunave me shumicë serbe, që javë më parë e ka pranuar kryeministri Albin Kurti nga BE-ja e SHBA-ja.
Një gjë të tillë e para e shtetit e ka bërë të ditur në një prononcim për media pasi mori pjesë në konferencën për integritetin e informacionit DISICON, organizuar nga NDI.
Osmani theksoi se në atë takim me opozitarët do të diskutojë komentet e vlerësimet e këtij drafti.
Ndërkaq, e pyetur rreth kërkesës për largimin e kryetarëve të katër komunave veriore, presidentja tha se deri më tash nuk ka asnjë informatë zyrtare lidhur me këtë çështje.
