Me forcat ruse që kanë vënë nën kontroll qytetin e shkatërruar, Bahmuti është përballur me muaj të tërë luftimesh, ndërsa një kundërsulm nga trupat ukrainase po vazhdon përgjatë krahëve të tij, verior dhe jugor.
Zyrtarët amerikanë vlerësojnë se forcat e armatosura të Ukrainës kanë humbur 10.000 dronë në muaj, kryesisht për shkak të bllokimit rus.
Dronët janë bërë një element jetik në luftën e Kievit kundër forcave të Moskës, duke mundësuar zbulim në kohë reale, si dhe aftësinë për të hedhur eksplozivë me rezultate vdekjeprurëse.
Rusia dhe Ukraina po pozicionojnë mijëra dronë mbi fushën e betejës.
Sipas një zyrtari të lartë ushtarak ukrainas, ushtarët dhe tanket që operojnë në ambient të hapur kanë vetëm disa minuta para se të shënjestrohen për shkak të sasisë së madhe të dronëve që patrullojnë mbi fushën e betejës.
“Sot, një kolonë tankesh ose një kolonë trupash në lëvizje, mund të zbulohet në tre deri në pesë minuta dhe të goditet në tre minutat e tjerë”, tha për Wall Street Journal, gjeneralmajor Vadym Skibitsky, zëvendëskomandant i shërbimit të inteligjencës ushtarake HUR të Ukrainës.
