Policia në rajonin e Mitrovicës se Jugut, ka njoftuar se po ndërmerr veprime të shtuara policore në parandalimin e aksidenteve në trafikun rrugor.
Kjo, me qëllim të ngritjes së vetëdijesimit-sensibilizimit, të shoferëve për parandalimin e aksidenteve dhe ngritjen e sigurisë në trafikun rrugor, gjatë kësaj jave nën moton.
Policia, në të gjitha akset rrugore ka shtuar kontrollet me fokus respektimi i shpejtësisë, ku njëkohësisht për shoferët po shpërndahen fletushka me këshilla për respektimin e kufizimeve të shpejtësisë, njofton PK.
“Përveç kontrolleve rutinë, kontrolleve me radarë, dhe masave tjera ndëshkimore, nga data 01 deri me 20 dhjetor, janë shqiptuar gjithsej 3589 gjoba, nga këto vetëm për mosrespektim të shpejtësisë janë shqiptuar: 1719 gjoba”, thuhet në këtë njoftim.
Policia, apelon tek të gjithë pjesëmarrësit në trafikun rrugor, në veçanti shoferët me qëllim që t’ mos rrezikojnë veten dhe pjesëmarrësit tjerë, të ju përmbahen rregullave të përcaktuara me ligjin për sigurinë në trafik. /Kosovatimes/
