Policia e Kosovës ka bërë të ditur për një rast të shantazhit që ka ndodhur ditën e hënë në Prishtinë.
Sipas raportit 24- orësh të policisë, një person ka kërkuar para nga një burrë në mënyrë që mos t’i publikohet një video intime.
“Aeroporti i Prishtinës 25.12.2023-19:10. Ankuesi mashkull kosovar ka raportuar se ka pranuar një mesazh në rrjetin social nga një i dyshuar i panjohur i cili i ka kërkuar një shumë parash në mënyrë që të mos i publikon një video intime”, thuhet në njoftim.
Policia shton tutje se sipas ankuesit pagesën duhet ta bënë online pasi të arrin jashtë Republikës së Kosovës.
Rasti është inicuar si “shantazh”, teksa është njoftuar edhe prokurori.
