Dy mërgimtarë kanë vdekur si pasojë e një aksidenti të rëndë trafiku, që ka ndodhur në Hungari.
Dy mërgimtar nga Kosova, Kushtrim Hoxha nga Prizreni e Jetmir Rexhepi nga Rahoveci, vdiqën si pasojë e një aksidenti trafiku që ndodhi në Hungari.
Aksidenti ndodhi pasi vetura e viktimave dyshohet se është përplasur me një kamion, kurse lajmin e dhanë familjarët.
“Më bëhet zemra copash teksa po i shkruaj këta rreshta, për ta ndarë me ju lajmin e keq se djali i vetëm i vëllait tim Kushtrim (Kujtim) Hoxha dhe bashkëshorti i motrës së tij, Jetmir (Naser) Rexhepi, kanë ndërruar jetë si pasojë e një aksidenti të rëndë automolibilistik. U ndanë nga jeta dy djem të mbarë, të edukuar dhe prindër të rinjë”, ka shkruar një familjar në llogarinë e tij në Facebook.
Të ndjerët ishin miq dhe lanë pas vetes, njëri vajzën katërmuajshe e tjetri djalin 1 vjeç.
Ministrja e Jashtme, Donika Gërvalla, ka ngushëlluar për vdekjen e Kushtrim Hoxhaj dhe Jetmir Rexhepi, të cilët humbën jetën në një aksident trafiku në Hungari.
“Me dhimbje morëm lajmin për vdekjen e dy shtetasve të Republikës së Kosovës, Kushtrim Hoxhaj dhe Jetmir Rexhepi, në një aksident trafiku në Hungari. Sapo kontaktova me familjarë të viktimave dhe iu shpreha ngushëllime për humbjen e më të dashurve të tyre”, ka shkruar Gërvalla.
Ajo ka theksuar se aktualisht janë duke u kryer procedurat për kthimin e trupave dhe se për këtë janë angazhuar misionet diplomatike.
“Njëkohësisht i sigurova për mbështetjen institucionale, teksa Ministria e Punëve të Jashtme dhe Diasporës përmes misioneve diplomatike në Hungari dhe Gjermani, bashkë me autoritetet hungareze, po kryejnë të gjitha procedurat e nevojshme për kthimin e trupave të tyre. Ngushëllime familjes Hoxhaj dhe Rexhepi!”.
Kushtrim Hoxha ishte nga Prizrenitm ndërsa Jetmir Rexhepi nga Rahoveci. Kushtrimi pas vetes ka lënë një vajzë katërmuajshe, kurse Jetmir një djalë 1 vjeç.
Vdekja tragjike e dy kosovarëve, kryetari i Rahovecit shpreh ngushëllime
Në Hungari ka ndodhur një aksident trafiku ku si pasojë kanë vdekur dy mërgimtarë nga Kosova. Viktimat janë Kushtrim Hoxha nga Prizrenit dhe Jetmir Rexhepi nga Rahoveci.
Kryetari i Rahovecit, Smaj Latifi, i ka ngushëlluar familjet e të ndjerëve.
“I tronditur nga vdekja tragjike në aksident komunikacioni në Hungari e Jetmir Rexhepit nga Celina. Viktimë e aksidentit ka qenë edhe Kushtrim Hoxhaj nga Prizreni. Ngushëllimet më të sinqerta familjes Rexhepi nga Celina dhe familjes Hoxhaj nga Prizreni. Jetmiri dhe Kushtrimi, pushofshin në paqe!”, ka shkruar ai.
