Kryetari i Prishtinës Përparim Rama, ka reaguar në lidhje me rrëzimin e kulmit të ndërtesës së re të Komunës në lagjen Arbëria, që ndodhi sot.
Rama ka kërkuar nga organet kompetente që të hetojnë rastin në tërësi dhe të marrin të gjitha masat dhe veprimet në pajtim me legjislacionin në fuqi.
“Të dashur qytetarë, sot, në objektin e Kryeqytetit në lagjen “Arbëria” për shkak të erërave të forta ka kolapsuar një pjesë e kulmit, ku për pasojë një person është lënduar dhe tani është nën kujdes mjekësor. Menjëherë kam kontaktuar me familjarët e të lënduarës për t’iu qëndruar pranë në këto momente. Lutemi për shërimin e saj të shpejtë dhe të plotë”, ka shkruar ai në “Facebook’. /Kosovatimes/
