Trajneri i Liverpool, Jurgen Klopp, i ka propozuar trajnerit Sven Goran Eriksson që ta ta bëjë punën e tij te Liverpool për një ditë.
Suedezi duke treguar se si tërë jetën ka qenë tifoz i “Reds” ka njoftuar se si pasojë e sëmundjes nuk i ka mbetur jetë më shumë se sa një vit.
Gjermani ka thënë se është prekur kur ka kuptuar pengun e Eriksson për të qenë trajner i Liverpool.
“Kur dëgjova fjalët e Eriksson dhe pashë dashurinë e tij për Liverpool, u preka shumë. Nuk e dija që gjithë jetën ishte tifoz i Liverpool. Mund të them se mund të vijë kur të dojë në zyrën time dhe të bëj punën time për një ditë. Për mua nuk ka asnjë problem. Të drejtojë skuadrën në një ndeshje mund të jetë pak më e komplikuar, por nëse vjen këtu dhe i tregojmë gjithçka që ky klub ka ndërtuar ndër vite, mendoj se do të ishte diçka fantastike”, ka thënë Klopp. “Do të ishin orë të shkëlqyera që do të kalonte me ne”.
