Kryeministri izraelit, Benjamin Netanjahu, gjatë një bisede me presidentin amerikan Joe Biden, edhe një herë refuzoi idenë e zgjidhjes dyshtetërore për çështjen e Palestinës, duke rritur edhe më shumë tensionet me ShBA-në.
Ndërkohë, nga Gaza njoftohet se numri i viktimave palestineze ka arritur mbi 25 mijë.
Qëndrimi i Netanjahut u bë i ditur në një deklaratë e cila u publikua pas bisedës së parë telefonike mes presidentit amerikan Joe Biden dhe kryeministrit Izraelit Netanjahu, gjatë së cilës Biden, disa herë shprehu përkrahjen amerikane për idenë e zgjidhjes dy-shtetërore duke nënvizuar se, për Uashingtonin, vetëm krijimi i një shteti të pavarur palestinez do të sjell deri te paqja afatgjatë në rajon.
Por, pas bisedës, zyra e Netanjahut publikoi një deklaratë në të cilën thuhet se “kryeministri Izraelit ka ripërsëritur pozitën e tij që, pas shkatërrimit të Hamasit, Izraeli duhet të vazhdon të mbanë kontrollin e sigurisë në rripin e Gazës për t’u siguruar se Gaza më nuk do të jetë kërcënim për Izraelin” – qëndrim ky i cili është në kundërshtim të drejtë me kërkesën për shtetësi palestineze.
Diplomatët amerikan dhe Britanik thanë se deklaratat e Netanjahut janë “zhgënjyese” po jo edhe të befasishme.
Ndërkohë, nga rripi i gazës, ku vazhdojnë operacionet e ushtrisë izraelite, është bërë e ditur se numri i viktimave të konfirmuara civile ka tejkaluar 25 mijë , përderisa më shumë se 8 mijë të tjerë janë ende të pagjetur dhe besohet se trupat e tyre janë nën rrënojat e ndërtesave të rrënuara nga bombardimet Izraelite.
