Prindër të nxënësve të Shkollës Fillore “Faik Konica” në Prishtinë protestuan të hënën para objektit të shkollës, duke kërkuar fillimin e procesit mësimor.
Gati të gjithë mësimdhënësit e shkollave publike të Kosovës janë në grevë, përveç disave që kanë nisur t’i mbajnë orët në mënyrë individuale.
Ata kërkojnë mbështetje financiare nga Qeveria e Kosovës, por kjo e fundit refuzon, duke thënë se Ligji për paga, që parasheh rritje, pritet të miratohet së shpejti.
Ngërçi vazhdon derisa procesi mësimor do të duhej të ishte në javën e pestë. /rel/
