Operatori satelitor amerikan Planet Labs ka zbuluar një “prezencë të shtuar” të bombarduesve strategjikë rusë TU-160 dhe TU-95 rreth 30 km nga kufiri me Norvegjinë. Një imazh satelitor i marrë më 7 tetor tregon shtatë bombardues strategjikë Tu-160 dhe katër avionë Tu-95 në bazën ajrore ruse Olenya në Gadishullin Kolsky.
Fotot janë publikuar nga portali norvegjez i ngarkuar për verifikimin e saktësisë së informacionit Faktisk.no dhe fotot satelitore i kanë marrë nga operatori amerikan. Avionët Tu-160, avionët luftarakë më të mëdhenj dhe më të rëndë që mund të fluturojnë me 2 Mach, janë të aftë të fluturojnë 12,000 km pa karburant dhe mund të mbajnë deri në 12 raketa bërthamore me rreze të shkurtër veprimi. Bombarduesit strategjikë Tu-95, të njohur si Bears, janë ndër avionët më të mëdhenj në Forcën Ajrore Ruse dhe janë të aftë të mbajnë raketa lundrimi dhe bomba bërthamore më të mëdha.
Vendosja e bombarduesve strategjikë pason një raport tjetër dy javë më parë, kur Jerusalem Post zbuloi se kishte pasur një “vendosje të pazakontë” të shtatë bombarduesve me energji bërthamore në bazën ajrore. Kjo u përcoll në media nga kompania izraelite e inteligjencës ImageSat International , e cila zbuloi “prania e pazakontë” e TU-160 dhe TU-95. Këta avionë zakonisht vendosen në bazën ajrore Engels, 720 km në juglindje të Moskës.
NATO mbajti një takim me dyer të mbyllura dje ku aleanca diskutoi planet për një stërvitje bërthamore. /Kosovatimes/
