Para ndeshjes inauguruese Katar-Ekuador, në stadiumin Al Bayt u zhvillua ceremonia spektakolare e hapjes së Kupës së Botës.
Në pjesën e fundit të ceremonisë, e mori fjalën Emiri Sheikh Tamim bin Hamad al-Thani.
“Ne organizojmë Kupën e Botës. Kemi punuar shumë për të organizuar një turne të suksesshëm. Kemi bërë të gjitha përpjekjet tona për të mirën e njerëzimit. Më në fund, ka ardhur dita e hapjes, të cilën të gjithë e kemi pritur. Për 28 ditët e ardhshme ne do të ndjekim festivalin e madh të futbollit në një mjedis komunikimi njerëzor dhe qytetar. Njerëz nga shumë vende të ndryshme do të vijnë në Katar: është mirë që njerëzit ndajnë dhe festojnë diversitetin dhe atë që i bashkon. Uroj që të gjitha ekipet të luajnë futboll të mrekullueshëm, për të jetuar një kohë plot gëzim dhe emocion. Ditë që mund të frymëzojnë mirësi dhe shpresë. Mirë se vini dhe fat të gjithëve”.
Koha për futboll, ceremonia madhështore mbyllet me spektakël fishekzjarrësh
Koha është për të nisur Kupa e Botës në futboll, ngjarja e madhe. Me spektakël fishekzjarrësh ka përfunduar ceremonia hapëse. Morgan Freeman dhe Jung Kook ishin figurat kryesore të ceremonisë hapëse, ndërsa kishte pika artistike tradicionale e moderne. Një fjalim e mbajti emiri i Katarit, që u dëshirojë mirëseardhje pjesëmarrësve.Jung Kook ndez atmosferën
Ceremonia hapëse po vazhdon me daljen në skenë të këngëtarit nga Koreja e Jugut, Jung Kook.Valltarët po e shoqërojnë atë, ndërkohë që tifozët në tribuna po e shijojnë ceremoninë hapëse unike.Koreografi unifikuese në ceremoninë hapëse
Kënga tradicionale është pasur me koregrafi moderne dhe unifikuese për botën në ceremoninë hapëse të Kupës së Botës.Ndër të tjera janë shfaqur flamujt e vendeve pjesëmarrëse. Ceremonia po vazhdon me pika të ndryshme artistike.Këngë të përpunuara të artistëve të famshëm botërorë po madhështojnë ceremoninë.Ceremonia vazhdon me këngë e valle tradicionale
Ceremonia madhështore e hapjes së Kupës së Botës po vazhdon me këngë e valle tradicionale të vendit nikoqir, Katarit.Morgan Freeman me fjalim fillestar
Ylli i kinematografisë, Morgan Freeman është paraqitur në nismë të ceremonisë hapëse të Kupës së Botës.Ceremonia ka nisur në mënyrë madhështore me një yll global.Fillon ceremonia hapëse e Botërorit 2022
Ka filluar ceremonia hapëse e Botërorit 2022 në futboll.Ka pasur shumë kontradikta e kritika në prag të Botërorit. Por zhvillimet jashtë fushës tani ua lënë vendin atyre në fushën e futbollit.Në ora 17:00 fillon ndeshja e parë mes Katarit dhe Ekuadorit.
