Ambasadori rus Aleksandar Boçan Kharçenko shprehu pritjet e Moskës se Serbia nuk do të marrë pjesë në konferencat ndërkombëtare që mbahen pa praninë e Federatës Ruse, mëson N1.
Në një takim me ministrin e Punëve të Jashtme Ivica Daçiq në fund të dhjetorit 2022, Bocan Harçenko tha se bëhet fjalë për Samitin për Demokraci, Këshillin e Komunitetit Politik Evropian dhe disa tubime të tjera ku fokusi do të jetë Rusia.
Kharchenko, siç mëson N1, tha gjithashtu se SHBA-të do të kërkojnë përjashtimin e Rusisë nga Kombet e Bashkuara, në të njëjtin parim si kur u dëbua Republika Federale e Jugosllavisë në 1992.
Në të njëjtin kontekst, ambasadori rus ka diskutuar edhe me Daçiqin për përpjekjet për formimin e Gjykatës Ndërkombëtare për Krimet e Luftës në Ukrainë.
Bocan Harçenko po ashtu deklaroi se Moska ka dijeni për takimin e ministres së Energjisë së Serbisë, Dubravka Gedoviq, me ambasadoren e Ukrainës, ku është biseduar për ndihmën për atë vend në sistemin energjetik.
Në përgjigje të të gjitha këtyre kërkesave, Daçiq tha se Serbia do t’i konsiderojë ato në frymën e marrëdhënieve miqësore. /Kosovatimes/
