Njësitet ukrainase po përdorin dronët për të monitoruar një hapësirë të gjatë kënetore dhe pyjore, që mund të sulmohet papritur nga Bjellorusia.
Kievi druan se mund të përsëritet skenari i vitit të kaluar, që nisi pushtimin rus të Ukrainës.
Një ushtar ukrainas monitoron një dron gjatë një demonstrate pranë kufirit me Bjellorusinë, më 1 shkurt. Dronët e zbulimit fluturojnë disa herë në ditë për të detektuar lëvizje të dyshimta nga ana tjetër.
Ndryshe nga lindja, ku përdoret artileri shkatërruese, këtu në veri është kryesisht luftë dronësh.
Edhe pse ekspertët ushtarakë dhe inteligjenca perëndimore e kanë hedhur poshtë mundësinë e një ofensive nga veriu, ukrainasit nuk duan të rrezikojnë.
Që nga vera, trupat kanë përforcuar mbrojtjen, kanë ndërtuar llogore dhe kanë hedhur mina në pyll.
Një ushtar ukrainas shikon nga pozicioni i tij drejt kufirit me Bjellorusinë, më 1 shkurt. Shqetësimet për një ofensivë të re ushtarake janë rritur në janar, pasi Rusia dhe Bjellorusia kanë zhvilluar stërvitje të përbashkëta të forcave ajrore,
Një qen poshtë një tavoline pranë një postblloku të ushtrisë ukrainase, afër kufirit me Bjellorusinë.
Komandantët ukrainas janë të kujdesshëm, duke kujtuar se Rusia e ka shfrytëzuar territorin bjellorus për të nisur pushtimin e Ukrainës më 24 shkurt të vitit 2022. “Ne e monitorojmë vazhdimisht armikun nga toka dhe vëzhgojmë lëvizjen e trupave – nëse lëvizin, sa trupa dhe ku”, tha kreu i njësisë së inteligjencës së ushtrisë.
Oleksandr, kreu i njësisë së inteligjencës së ushtrisë, tha se bjellorusët dhe rusët “po monitorojnë vazhdimisht lëvizjet tona, duke u përpjekur t’i gjejnë pozicionet e ushtrisë sonë”.
Njësitet ukrainase i zbulojnë nganjëherë dronët e armikut dhe i rrëzojnë duke përdorur pushkë anti-dronë.![Zyrtarët ukrainas thonë se askush nuk mund të parashikojë se si do të veprojë Moska në muajt e ardhshëm. "Pavarësisht nëse do të ndodhë apo jo [ofensiva ushtarake], ne duhet të jemi gjithmonë gati", thotë Oleksandr. ](https://gdb.rferl.org/08550000-0a00-0242-8566-08db05c723ea_w1023_s.jpg)
Zyrtarët ukrainas thonë se askush nuk mund të parashikojë se si do të veprojë Moska në muajt e ardhshëm. “Pavarësisht nëse do të ndodhë apo jo [ofensiva ushtarake], ne duhet të jemi gjithmonë gati”, thotë Oleksandr.
Këtu janë ende të freskëta kujtimet e pushtimit të përkohshëm të Çernihivit.
Në tabelë shkruan: “Mos gjuani pa leje, gjuani sipas rregullave”. Ideja e një ofensive tjetër nga veriu i tmerron banorët e fshatrave pranë.
“Dëgjojmë çdo tingull dhe zhurmë të vogël. Kjo nuk është mënyra për të jetuar. Kur je në frikë të vazhdueshme, nuk është jetë”, tha Valentyna Matveva, 64 vjeçe, nga fshati Ripki.
Me sulme ose jo, Olena, nga fshati Novi Jarillovçi, ka frikë se situata në kufi do të thotë se ajo nuk do të mund të shohë më kurrë nënën, vëllain dhe dy motrat e saj, që jetojnë vetëm 3 kilometra larg, brenda Bjellorusisë. “Nuk mund ta besoj se janë kaq afër dhe nuk mund t’i shoh”, tha 63-vjeçarja, e cili është bjelloruse, por e martuar në një familje ukrainase.
