Në ditën kur në Bruksel pritet të zhvillohet takimi i nivelit të lartë mes kryeministrit Albin Kurti dhe presidentit serb, Aleksandër Vuçiq, nën ndërmjetësimin e Bashkimit Evropian, eurodeputeti austriak, Lukas Mandl, tha se është koha për një marrëveshje që hap rrugën e pajtimit mes dy vendeve.
Mandl përmes një postimi në Twitter shkroi se marrëveshja duhet të ketë edhe njohje dhe një të ardhme në paqe për të dyja vendet.
“Pas 15 vjetësh të pavarësisë së Kosovës, pas 1 viti të telasheve të Serbisë me lirinë dhe paqen, që u zbuluan globalisht, është koha për një marrëveshje që të hapë rrugën për pajtim, njohje dhe një të ardhme në paqe dhe prosperitet”, ka shkruar Mandl. /Kosovatimes/
After 15y of Kosovo-independence, after 1y of Serbia‘s trouble with freedom & peace being globally revealed, it’s time for an agreement to pave the path for reconciliation, recognition and a future in peace & prosperity. #Kosovo #Serbia @JosepBorrellF @albinkurti @avucic #WB6
— Lukas Mandl (@lukasmandl) February 27, 2023
