Policia spanjolle arrestoi një person të dyshuar për vrasjen e një shtetasi serb në Grenada korrikun e kaluar.
Për shkak të të shtënave në të cilat mbeti i vrarë një shtetas i Serbisë dhe një shtetas i Bosnjës dhe Hercegovinës u plagos rëndë , pesë persona janë arrestuar, por kërkimi për vrasësin është ende në vazhdim.
Bëhet fjalë për një shqiptar i cili në mënyrë të rreme u paraqit si italian dhe që fshihej gjatë gjithë kohës në qytetin e Adriut.
Ai u arrestua në orët e para të mëngjesit të së martës. Njësitë elitare të Gardës Civile sulmuan shtëpinë dhe e arrestuan para se të mund të arratisej nga çatia. Ai donte të dilte në rrugën e mesme, por aty e prisnin një grup policësh.
Policia spanjolle konfirmoi asokohe për Telegrafin se serbi i vrarë ishte 44 vjeç, por identiteti i tij nuk u bë i ditur asnjëherë.
Ende nuk dihet motivi i krimit, ndërsa spekulohet se ka pasur një përplasje mes dy bandave kriminale për trafik droge.
Shtetasi serb dyshohet se është qëlluar me disa predha dhe ka vdekur në vend, ndërsa shtetasi i BeH ka marrë një plagë në zonën e stomakut, edhe pse mjekët e repartit të neurotraumatologjisë kanë arritur ta stabilizojnë.
Siç raportuan mediat spanjolle të asaj kohe, gjithçka tregonte se dy grupet kriminale u takuan në një nga parkingjet në zonën e digës Rules, një vend në gjysmë të rrugës midis bregut të Granadës dhe kryeqytetit, transmeton Telegrafi.
