Ministri i Punëve të Brendshme, Oliver Spasovski, në intervistën javore REL-it, theksoi se së shpejti, një grup i shtetasve maqedonas do të marrin kallëzime penale për terrorizëm, për shkak të paralajmërimeve të rrejshme për bomba nëpër shkolla.
“Për ne ishte shumë e rëndësishme siguria e qytetarëve, nxënësve, mësimdhënësve të jetë në nivelin më të lartë të mundshëm dhe në atë pjesë, nuk ka ndryshuar asgjë me protokollet, do të thotë siguria duhet të ruhet në një nivel të lartë. Veç më kemi bërë një kallëzim penal për një të mitur dhe praktikisht hyjmë në një grup të personave të cilët kanë marrë pjesë në dërgimin e paralajmërimeve në mënyrë elektronike dhe pikërisht shfrytëzimi i VPN adresa dhe jemi në një pozicion për të cilin për kohë shumë të shpejtë i gjithë grupi do të zbulohet tërësisht, do të dorëzohen kallëzime për veprën terrorizëm. Dhe kjo si dukuri te ne, praktikisht na mundësoi të bëjmë edhe ndryshime në pjesën e protokolleve për veprim”, tha ministri Spasovski.
Ai shtoi se, kallëzimi penal është për shtetas maqedonas.
“Po, siç thash kemi dorëzuar kallëzime penale kundër një personi të mitur, por bëhet fjalë edhe një grup tjetër të cilët janë të lidhur mes vet për paralajmërimet”, sqaroi Spoasovski.
Policia ende nuk nuk të kumtojë detaje për sulmin hakerik ndaj Fondit të Shëndetësisë, por nuk përparim.
“Po bëhet hetime për të gjithë këto institucione në të cilat ka pasur sulme hibride. Ka përparim serioz, merren të dhëna dhe informacione. Vet fakti se, këto të dhëna duhet t’i sigurojmë përmes ndihmës juridike ndërkombëtare flet edhe për atë se, duhet më shumë kohë në këtë asekt”, tha ministri i Punëve të Brendshme.
Ndryshe, nga 26 tetori i vitit 2022 në RMV disa herë është denoncuar se në email-adresat e disa shkollave në Shkup është dërguar kërcënim për vendosje të bombës. Krahas shkollave të mesme dhe fillore, ka pasur edhe raportime anonime për bomba të vendosura edhe në institucione dhe qendra tregtare.
Ekspertët për Portalb.mk vlerësuan se alarmet e deritanishme për bomba vijnë prej Rusisë, ndërkaq, qëllimi është që të ndjellin frikë te qytetarët në kontekst të luftës në Ukrainë dhe ankthit për një konflikt në veri të Kosovës.
