Një video virale që qarkullon në Twitter tregon se si dukej Bahmuti në pranverën e vitit 2021, përpara se rusët të vendosnin ta “çlironin” nga “fashistët” dhe ta kthenin në gërmadha.
Kujtojmë se në muajt e fundit Bahmuti u tregua qyteti ku u zhvilluan betejat më të ashpra që nga fillimi i pushtimit, në shkurt të vitit të kaluar. Qyteti ka qenë nën rrethim të rëndë si nga ushtria e rregullt ruse ashtu edhe nga mercenarët e grupit Wagner që nga gushti.
This is how #Bakhmut looked like in 2021. #Russia decided to "liberate" its inhabitants from imaginary "fascists" and turned the city into ruins. pic.twitter.com/uC2vRSm3v9
— NEXTA (@nexta_tv) April 20, 2023
Dy ushtri po luftojnë për një qytet nga i cili nuk ka mbetur asgjë dhe që shumë analistë pretendojnë se është strategjikisht i parëndësishëm. Para luftës, sipas regjistrimit të vitit 2020, Bahmut ishte i banuar nga rreth 75,000 banorë. Sot atje është një thertore, një qytet “për bluarjen e mishit” siç e quajnë rusët dhe popullsia civile ka kohë që i ka lënë shtëpitë e tyre.
