Presidentja e Republikës së Kosovës, Vjosa Osmani ka reaguar për tragjedinë e ndodhur sot në Beograd ku kanë mbetur të vdekur 9 persona dhe shtatë të plagosur.
Osmani ka thënë se s’ka asgjë më më shumë vlerë sesa jeta e një fëmije dhe se s’ka asgjë më të dhimbshme se ta humbësh atë jetë.
Përmes një postimi në Twitter Osmani ka dërguar ngushëllimet e saj për të gjithë prindërit që kanë humbur fëmijët e tyre në rastin e tmerrshëm në Begorad duke theksuar se Kosova lutet për shërim të shpejtë të të plagosurve të tjerë.
“Nuk ka asgjë më të vlefshme se jeta e një fëmije dhe asgjë më e dhimbshme se humbja e asaj jete. I dërgoj ngushëllimet e mia më të thella të gjithë prindërve që humbën fëmijët e tyre në një sulm të tmerrshëm në shkollë sot në Beograd dhe lutemi për shërim të shpejtë për të gjithë të plagosurit”, ka shkruar Osmani në Twitter. /Kosovatimes/
There’s nothing more valuable than the life of a child and nothing more painful than the loss of that life. I send my deepest condolences to all parents who lost their children in a horrible school shooting today in Belgrade and we pray for a speedy recovery to all those injured.
