By using this site, you agree to the Privacy Policy and Terms of Use.
Accept
Kosova TimesKosova Times
Notification Show More
Latest News
Trump: A e përmendi vërtet Medvedevi fjalën me shkronjën “N”? Nëse konfirmohet, më lajmëroni TANI
June 23, 2025
Kurti: Mirënjohje Luksemburgut për mbështetjen e palëkundur ndaj Kosovës
June 23, 2025
Irani sulmon bazat amerikane në Katar
June 23, 2025
Zyrtarët korrektues nisin trajnim në Kopenhagë
June 23, 2025
Prokuroria në Gjakovë ngre aktakuzë për të dyshuarin e dhunës në familje
June 23, 2025
Aa
  • Ballina
  • Politikë
    • Lajme
    • Tema
    • Gjeopolitikë
    • Opinion
  • Rajon / Botë
  • Ekonomi
    • Lajme
    • Tema
    • Financa
    • Turizëm
    • Bujqësi
  • Kulturë
    • Lajme
    • ShowBiz
    • Moda
  • Shëndetësi
  • Sport
  • Hi-tech
    • Teknologji
    • Shkencë
Reading: Këshilli i Mandateve voton në favor të kërkesës së SPAK-ut për arrestimin e Ahmetajt
Share
Aa
Kosova TimesKosova Times
Search
  • Home
    • Home News
    • Home 2
    • Home 3
    • Home 4
    • Home 5
  • Categories
  • Bookmarks
    • Customize Interests
    • My Bookmarks
  • More Foxiz
    • Blog Index
    • Sitemap
Have an existing account? Sign In
Follow US
Kosova Times > Blog > Ballina 2 > Këshilli i Mandateve voton në favor të kërkesës së SPAK-ut për arrestimin e Ahmetajt
Ballina 2Rajon / Botë

Këshilli i Mandateve voton në favor të kërkesës së SPAK-ut për arrestimin e Ahmetajt

Kosova Times
Last updated: 2023/07/12 at 9:45 PM
Kosova Times Published July 12, 2023
Share
SHARE

Këshilli i Mandateve dhe Imunitetit në Shqipëri votoi në favor të kërkesës së Prokurorisë së Posaçme kundër korrupsionit (SPAK) për arrestimin e ish-zëvendëskryeministrit, njëherësh deputetit aktual të Partisë Socialiste, Arben Ahmetaj.

Dhjetë deputetë të këtij këshilli, pesë nga Partia Socialiste dhe pesë nga Partia Demokratike, votuan në favor të kërkesës së SPAK-ut, por ata kishin qëndrim të ndryshëm se kur duhet të dorëzohet në Kuvendin e Shqipërisë raporti për këtë çështje.

Vendimi përfundimtar do të merret nga Kuvendi në një seancë të jashtëzakonshme ditën e hënë, më 17 korrik.

Anëtari i Këshillit të Mandateve nga PS-ja, Arben Pëllumbi, pas mbledhjes së këtij turpi tha se PS-ja nuk do të bëhet avokat i askujt, ndërsa shtoi se partia e tij, që është në pushtet, do të përgatisë raportin e saj të premten, më 14 korrik, dhe kërkoi që Kuvendi të mblidhej në seancë të jashtëzakonshme më 17 korrik.

“Këshilli do t’i sugjerojë seancës plenare dhënien e autorizimit për kërkesën e SPAK-ut. Raporti nuk mund të përgatitej pa dëgjuar mbrojtjen. Këshilli nuk është gjykatë. Gjykojmë vetëm nëse procedura për dhënien e kësaj të drejte është zbatuar apo jo dhe ka apo jo fakte, nëse ndaj kolegut tonë ka ndikime politike apo jo. Sa kohë që bindemi nëse procedura është e rregullt apo jo, sigurisht ne kemi qëndrimin tonë për të mos bërë avokatin e askujt”, tha Pëllumbi.

Ndërkaq kryetari i Grupit Parlamentar të PD-së, Gazmend Bardhi bëri me dije se opozita e ka dorëzuar raportin e saj dhe do të kërkojë mëngjesin e së enjtes ndryshimin e rendit të ditës së Kuvendit për t’i dhënë sa më shpejt dritën jeshile SPAK-ut për arrestimin e Arben Ahmetajt.

“Çdo vonesë është pengim i drejtësisë. Ajo dosje nuk flet vetëm për Arben Ahmetajn, por janë të përfshirë edhe zyrtarë të tjerë, të kallëzuar prej nesh në Prokurori si: Damian Gjiknuri [deputet i PS-së], Ermonela Felaj [nënkryetare e Parlamentit], dy ish-kryetarë bashkie, sot deputetë, Fadil Nasufi dhe Baftjar Zeqo. Është një çështje që duhet hetuar deri në fund”, tha Gazmend Bardhi.

Deputeti tjetër i PD-së, Ervin Salianji, tha se fakti që në dosje hetimore janë të përfshirë shumë zyrtarë duhet të çojë, sipas tij, në dorëheqjen e kryeministrit të Shqipërisë, Edi Rama, dhe Qeverisë së tij.

Avokatët mbrojtës të Ahmetajt, Ardian Visha dhe Henrik Ligori, thanë se pretendimet e SPAK-ut nuk qëndrojnë dhe se po bëhet “show” me kërkesën për arrestimin e Ahmetajt dhe kërkesën tjetër për kontroll të banesës së tij.

Ata deklaruan sërish se Arben Ahmetaj ndodhet jashtë Shqipërisë për arsye familjare, pa zbuluar se ku gjendet, por shtuan se kishin komunikuar me të “pesë minuta më parë”.

SPAK e akuzon ish-zëvendëskryeministrin për korrupsion pasiv, pastrim parash dhe mosdeklarim apo fshehje të pasurisë dhe kërkon autorizim nga Kuvendi i Shqipërisë për arrestimin e tij.

Hetimet ndaj Arben Ahmetajt nisën në vitin 2022 dhe Prokuroria e Posaçme thekson se “vazhdon hetimi në drejtim edhe të fakteve të tjera penale apo personave të tjerë të implikuar”.

Hetimi i prokurorisë kundër ish-zëvendëskryeministrit ka zbuluar prona dhe investime të padeklaruara të tij në 20 vjet si dhe pagesa të tërthorta të përfituara si ryshfet nga biznesmenët e incineratorëve me vlerë 491 mijë eurosh, por edhe vila në bregdet dhe apartamente në Tiranë. Ahmetaj po hetohet për gjashtë raste korrupsioni.

Arben Ahmetaj ka mbajtur disa poste të rëndësishme gjatë dhjetë viteve të qeverisjes së kryeministrit Edi Rama. Ai ka qenë drejtues i Drejtorisë së Tatimeve, ministër i Ekonomisë dhe Sipërmarrjes, ministër i Financave, zëvendëskryeministër dhe ministër i Rindërtimit.

You Might Also Like

Trump: A e përmendi vërtet Medvedevi fjalën me shkronjën “N”? Nëse konfirmohet, më lajmëroni TANI

Irani sulmon bazat amerikane në Katar

Iranianët: Kina dhe Rusia na kanë tradhtuar

Mesazhi i ashpër i Trump për kompanitë e naftës: Mbani çmimet të ulëta

Mesazh i ashpër nga Kremlini për Beogradin: Ju shkelët vëllazërinë shekullore për fitim, armët serbe po na vrasin

Kosova Times July 12, 2023
Share this Article
Facebook Twitter Email Print
Leave a comment

Leave a Reply

Your email address will not be published. Required fields are marked *

Follow US

Find US on Social Medias
Facebook Like
Twitter Follow
Youtube Subscribe
Telegram Follow

Weekly Newsletter

Subscribe to our newsletter to get our newest articles instantly!

[mc4wp_form]
Popular News
Ballina 1Lajme

Nis seanca në OKB

Kosova Times Kosova Times February 8, 2024
Lansohet platforma ‘KosovaDiplo365’, Kurti çmon qytetarët diplomatë
Vrau gruan në Pejë, Apeli i vërteton dënimin me burgim të përjetshëm
VIDEO Në Katalonjë, një autobus u përmbys dhe përfundoi në hyrje të një tuneli. 45 persona u plagosën
Serbia në vendin e tretë në Evropë për sa i përket pranisë së lajmeve të rreme
- Advertisement -
Ad imageAd image
Global Coronavirus Cases

Confirmed

0

Death

0

More Information:Covid-19 Statistics

Kategoritë

  • Politikë
  • Rajon / Botë
  • Ekonomi
  • Kulturë
  • Shëndetësi
  • Sport
  • Hi - tech

About US

Kosova Times We influence 20 million users and is the number one business and technology news network on the planet.

Subscribe US

Subscribe to our newsletter to get our newest articles instantly!

[mc4wp_form]

© Kosova Times. All Rights Reserved.

Removed from reading list

Undo
Welcome Back!

Sign in to your account

Lost your password?