Shtetasi 34 vjeçar serb HK nga Aleksinac, u arrestua natën e së martës në të mërkurë në Sarajevë, nën dyshimin se ka kryer veprën penale të nxitjes së urrejtjes, përçarjes ose intolerancës kombëtare, racore dhe fetare.
REKLAMA
Siç konfirmohet nga policia e Sarajevës, ai është arrestuar nga pjesëtarët e policisë në Ilidž dhe siç mësojmë, pas ankesës së një banori në rrugën Nikola Šopa. Gjegjësisht, atë natë, rreth orës 02:00, policia mori disa raportime se një burrë shante Srebrenicën dhe këndonte këngë për Arkanin.
E gjithë kjo, duhet theksuar, ka ndodhur në prag të përkujtimit të 28-vjetorit të gjenocidit në Srebrenicë dhe funeralit kolektiv të 30 viktimave, i cili u mbajt dje në Potoçari.
Me të mbërritur në vendngjarje, efektivët e policisë gjetën në gjendje të dehur dukshëm një 34-vjeçar.
“Ai është dërguar në mbajtje për nxitje të urrejtjes fetare dhe kombëtare. Pas hetimit penal është dorëzuar në kompetencë të Shërbimit për Çështje me të Huaj të Ministrisë së Sigurisë së Bosnjës dhe Hercegovinës”, njoftuan nga MPB-ja e KS-së.
HK nuk kishte me vete asnjë dokument identifikimi dhe në fakt po qëndronte ilegalisht në territorin e Bosnjë-Hercegovinës, për këtë arsye i është dorëzuar Shërbimit për Çështje me të Huaj, raporton Oslobođenje.
Ministria e Punëve të Brendshme të KS-së thekson se zyrtarët e tyre të Administratës Policore vazhdojnë punën e mëtutjeshme me qëllim të dokumentimit të veprës penale për të cilën dyshohet 34-vjeçari serb.
