Drejtori i Përgjithshëm i Policisë se Kosovës, Gazmend Hoxha ka pritur në takim komandantin e KFOR-it, major gjeneral Angelo Michele Ristuccia dhe shefin e EULEX-it në Kosovë, Giovanni Pietro Barbano dhe përfaqësues të Zyrës së BE-së.
KFOR-i ka bërë të ditur se në takim u diskutuan gjerësisht masat e shtensionimit që do të zbatohen në afat të shkurtër nga institucionet në Kosovë. Gjatë këtij takimi është biseduar për vlerësimin e situatës së sigurisë në Kosovë, përfshirë vlerësimin e situatës në veri të vendit.
KFOR-i e ka përshkruar takimin si pozitiv dhe konstruktiv që do të pasohet me takime të tjera.
“Ata diskutuan gjerësisht për masat e shtensionimit që do të zbatohen në afat të shkurtër nga institucionet në Kosovë. Takimi ishte pozitiv dhe konstruktiv dhe do të pasohet nga takime të mëtejshme periodike si në nivel teknik dhe ekzekutiv”, thuhet në shkrimin e KFOR-it në Tëitter.
Edhe shefi i Misionit të Bashkimit Evropian për Sundimin e Ligjit në Kosovë, Pietro Barbano, në një postimi në rrjetin social Tëitter, ka shkruar se ditët në vijim presin takime teknike me Policinë e Kosovës dhe KFOR-in, për të kryer vlerësime të përbashkëta dyjavore.
Njoftim për takim gjatë ditës ka bërë edhe policia e Kosovës. Sipas njoftimit, gjatë këtij takimi është biseduar për vlerësimin e situatës së sigurisë në Kosovë, përfshirë vlerësimin e situatës në veri të vendit.
“Ky ishte një takim i zhvilluar në kuadër të bashkëpunimit të vazhdueshëm që mban Policia e Kosovës me KFOR-in dhe EULEX-in. Çështjet të cilat u diskutuan kishin të bëjnë me situatën e sigurisë në tërë territorin e Republikës së Kosovës përfshirë edhe zhvillimet e fundit në veri të vendit”, thuhet në njoftim e PK-së.
Sipas njoftimit, në takim u vlerësua me interes të përbashkët bashkëpunimi dhe koordinimi në kuadër të detyrave dhe përgjegjësive përkatëse, me qëllim të ofrimit të sigurisë dhe ruajtjes së rendit dhe qetësisë publike, si qëllim i përbashkët.
