Kryeministri i Shqipërisë, Edi Rama, ka komentuar pas takimit që Kryeministri i Kosovës, Albin Kurti ka zhvilluar me liderë evropianë.
Ai e ka përgëzuar Kurtin për siç ka thënë pranimin e propozimit evropianë për Asociacionin e Komunave me Shumicë Serbe.
“Për t’u lavdëruar që Kryeministri i Kosovës, ka pranuar propozimin e BE-së për të avancuar vendosmërisht drejt një zgjidhje zhbllokuese për Asociacionin përmes instrumenteve të vetëmenaxhimit si kornizë për negociatat në vijim”, ka shkruar Rama në X.
“Ky më të vërtetë është një moment tepër i rëndësishëm. Krerët e Kosovës dhe Serbisë duhet të tregojnë lidership dhe të punojnë ngushtë me partnerët perëndimorë që të zbatohet me përpikëri Marrëveshja Bazë mbi normalizimin e marrëdhënieve, pa vonesa të mëtejme”.
Rama ka shkruar se rajoni meriton paqe, stabilitet dhe bashkëpunim për të ardhme më të mirë të përbashkët. /Kosovatimes/
I commend the Prime Minister of Kosova for accepting the EU proposal to advance firmly towards a deblocking solution on ASM through self-management instruments as a framework for upcoming negotiations. This is indeed an important milestone. The leaders of Kosovo and Serbia should…
— Edi Rama (@ediramaal) October 26, 2023
