Unioni i Gazetarëve Shqiptarë nesër në orën 11.00 në sallën “Clasik” të Hotel Tirana International në Tiranë, do te zhvilloje edicionin e pesëmbëdhjetë të ndarjes së çmimeve vjetore për gazetarët.
Gazetarët e ekonomisë nga Shqipëria, Kosova dhe Maqedonia e Veriut, pjesëmarrës në konkursin “Vangjush Gambeta” që mundësohet nga partneri i UGSh tradicional JTI, do të njihen me fituesit për vitin 2023.
Ndërkohë që do të shpallen edhe fituesit e çmimeve:
” Karriera”,
“Reporteri i Vitit 2023”,
“Raportimi më i mirë i Vitit 2023”
“Ismet Bellova” për gazetarët sportivë.
Në këtë aktivitet të fundvitit, do të jenë të pranishëm kolegë nga krejt hapësira shqiptare, personalitete të larta shtetërore, diplomatike dhe nga fusha të ndryshme shoqërore dhe institucionale nga shtetet e Ballkanit Perëndimor, ku jetojnë shqiptarët.
Sipas zyres informuese te UGSh, moderues të veprimtarisë janë kolegët Alketa Gashi Fazlliu dhe Sebastian Zonja. Me kete rast jane të mirëpritur të gëzojmë së bashku vlerësimin e kolegëve nga kolegët.
