Tre persona u vranë dhe dy u plagosën në një të shtëna që ndodhi herët në mëngjesin e së dielës në qytetin Winnipeg, në provincën e Manitoba në Kanadanë perëndimore, thanë zyrtarët lokalë.
“Kjo ngjarje ka ndodhur në një pallat banimi me disa banesa. Për momentin, nuk ka asnjë informacion për një motiv të mundshëm”, tha Jason Mikalishen, një zëdhënës i policisë së Winnipeg.
Një burrë dhe një grua u shpallën të vdekur në vendin e krimit dhe tre viktima u dërguan në spital, por njëra prej tyre vdiq më vonë nga plagët e marra.
“Dy viktimat, një burrë dhe një grua, mbeten të shtruar në spital dhe janë në gjendje kritike në këtë moment”, tha një zëdhënës i policisë së Winnipeg.
