Për të shtunën në Kosovë parashikohet të mbajë mot kryesisht me diell dhe ngrohtë. Temperaturat minimale do të lëvizin prej 6 deri në 9°C, ndërsa ato maksimale prej 23 deri në 26°C, njofton IHMK.
Era do fryjë nga drejtimi i jugperëndimit dhe juglindjes, nga 15-41 km/h.
Edhe Shërbimi Meteorologjik Ushtarak njofton se në Shqipëri, moti do të vijojë të ndikohet nga kushte atmosferike të qëndrueshme, i kthjellët dhe me diell në të gjithë territorin.
Era do të fryjë me drejtim juglindje – jugperëndim me shpejtësi mesatare 1-6 m/s, ndërsa përgjatë vijës bregdetare era fiton shpejtësi 10-15 m/sek, shoqëruar me valëzimin në dete të forcës 2-4 ballë.
Temperaturat parashikohen të sillen nga më e ulëta në veri 10 gradë Celsius dhe më e larta në Vlorë dhe Berat 27 gradë Celsius.
