Zbulohet varri i Platonit? Sekretet i fshehen papiruset e mbuluar me hi vullkanik

Duke përdorur inteligjencën artificiale (AI), shkencëtarët tani po përpiqen të deshifrojnë papiruset. Ata arritën të zbulojnë fjalë të reja dhe të rrisin kuptimin e tekstit me 30 për qind në krahasim me analizat e vitit 1991.

Zbulimi u bë në papirusin Historia e Akademisë së Filodemit të Gadarës. Ranoça thotë se teksti sugjeron se Platoni u varros në Akademinë e quajtur pas tij, pranë kopshtit të quajtur Tempulli i Muzave.

Akademia e Platonit u themelua jashtë mureve të qytetit të Athinës në 387 para Krishtit.

Papiruset e riekzaminuara nga Herculaneum japin indikacione se Platoni mund të jetë shitur në skllavëri në 399 para Krishtit pas vdekjes së Sokratit ose në 404 pes, gjatë pushtimit spartan të Aeginës. Kjo hedh poshtë teoritë e mëparshme se incidenti ndodhi në vitin 387 para Krishtit, kur ai po qëndronte në Sirakuzë.

Ka dallime në mënyrën se si Ciceroni dhe Hermipi e përshkruajnë fundin e Platonit – Ciceroni pretendon se ai vdiq duke shkruar, ndërsa Hermipi thotë se vdiq gjatë një dasme në moshën 81-vjeçare dhe u varros në Akademi.

Herculaneum ishte një qytet antik në Kampania, i cili u zhduk në shpërthimin e Vezuvit në 79 pas Krishtit, kur Pompei u zhduk.