Presidenti i Partisë së Lirisë, Ilir Meta, deklaroi sot se, politikat aktuale në Shqipëri nuk po e udhëheqin vendin në drejtimin e duhur.
Në fjalën e tij në takimin e Institutit Ndërkombëtar për Studime të Lindjes së Mesme dhe Ballkanit (IFIMES) të mbajtur në Lubjanë, Slloveni me temë “Shqipëria, Rajoni, Europa, Bota”, Meta foli për procesin e integrimit në BE.
“Për Shqipërinë, janë vënë shumë kushte për të përmirësuar cilësinë e demokracisë, ndarjen e pushtetit, të drejtat e pronës, etj. Por mungesa e reformave domethënëse vetëm ka përkeqësuar dhe zgjatur zgjidhjen e këtyre problemeve”, tha Meta.
“Politikat aktuale në Shqipëri nuk na udhëheqin në drejtimin e duhur. Prandaj, Partia e Lirisë e Shqipërisë është shumë e qartë dhe e përkushtuar për ato që duhet të bëhet”, tha Meta.
Në planin vendas, shtoi Meta, “kemi 5 prioritetet kryesore, bashkë me objektivat politike për të shëruar sistemimin demokratik, rimarrjen e ekonomisë së tregut të lirë, dhe garantimin e të drejtave dhe sigurisë gjyqësore të qytetarëve tanë, që kanë si qëllim arritjen e objektivit të përshpejtuar të rritjes së popullsisë së Shqipërisë në më shumë se 4 milionë shqiptarë”.
Specifikisht, u shpreh ai, “5 prioritetet janë: ndalimi i shpopullimit, rritja e pensioneve dhe pagave, investimet në arsim dhe kapitalin njerëzor, zhvillimi i bujqësisë dhe ushqimit me qëllim uljen e kostove të jetesës, dhe, përfundimisht, transformimi i modelit ekonomik të vendit për të kthyer Shqipërinë në një vend eksportues”.
Duke folur për Kosovën, Meta tha se, “ne po ashtu duam të mbështesim shumë më shumë integrimin e Kosovës në organizatat rajonale, NATO-n dhe OKB-në”.
“Unë gjithmonë kam mbajtur qëndrimin se njohja e pavarësisë së Kosovës është përdorur si një monedhë shkëmbimi nga Serbia dhe, shumë më tepër, nga Rusia, në objektivat e saj imperialiste”, theksoi Meta.
Sipas tij, “dështimi për të integruar Kosovën në Asamblenë Parlamentare, është një gabim. Vetëm motivon Serbinë që të vazhdojë me flirtime dyfishe me Rusinë. Dështimi për të integruar Kosovën në Këshillin e Evropës, është gabim. Kjo vetëm e motivon Serbinë që të vazhdojë me flirtin e saj të dyfishtë me Rusinë”.
“Gjykata Ndërkombëtare e Drejtësisë e ka konstatuar pavarësinë e Kosovës në përputhje me të drejtën ndërkombëtare”, nënvizoi Meta.
