Katër organizata Koalicionit për Integritet dhe Transparencë në Universitete, nëpërmjet një komunikate për media kanë kërkuar miratimin e draftstatutit të Universitetit të Prishtinës.
“KITU konsideron se të gjitha partitë politike pa dallim duhet ta mbështesin Universitetin e Prishtinës në modernizimin e statutit të tij dhe avancimit të cilësisë shkencore e akademike të tij”, thuhet në komunikatën e tyre.
KITU kanë vlerësuar se partitë politike duhet të shohin përtej politikave ditore me qëllim të përmirësimit të gjendjes në arsim dhe të tregojnë se dijnë të jenë unike në rrethana të tilla.
Pjesë e këtij koalicioni janë organizatat KEC, KFOS, ÇOHU dhe ORCA.
