Nick Pascal, një aktor i cili është shfaqur në projekte filmike dhe televizive si “Rebel Moon” dhe “How I Met Your Mother”, është arrestuar dhe akuzuar se ka therur disa herë me thikë ish të dashurën e tij.
Pascal, 34 vjeç, është akuzuar për tentativë vrasje, vjedhje dhe sulm ndaj një partneri, sipas Prokurorit të Qarkut të Los Anxhelosit, raporton CNN.
Pascal akuzohet se theri me thikë ish të dashurën e tij në shtëpinë e saj në lagjen Sunland të Los Anxhelosit më 23 maj.
CNN ka kontaktuar me publicistin e aktorit për koment. E siç shtojnë ata, ende nuk dihet nëse ai ka përfaqësues ligjor në këtë rast.
Sipas një njoftimi për shtyp, Pascal ka hyrë në shtëpinë e ish-të dashurës së tij, e cila gjithashtu së fundmi ka vendosur masën e ndalimit ndaj tij.
Prokuroria e rrethit nuk e ka identifikuar viktimën, por sipas rrjetit KABC, ajo është një grimiere hollivudiane 35-vjeçare.
Pascal thuhet se u largua nga vendi i ngjarjes dhe u ndalua në një pikë kontrolli në Sierra Blanca, Teksas, sipas deklaratës. Ai do të ekstradohet në Los Angeles County, ku do të përballet me një dënim maksimal me burgim të përjetshëm nëse shpallet fajtor.
