Pas publikimit të vendimit të Kushtetues, ku i jepet të drejtë Qeverisë për Ligjin për pagën minimale, i menjëhershëm ka qenë reagimi i ushtruesit të detyrës së kryetarit të Shoqatës së Veteranëve të Luftës së Ushtrisë Çlirimtare të Kosovës, Faton Klinaku.
Në një postim në Facebook, Klinaku ka paralajmëruar protesta nga veteranët.
“Qëndrimet tona janë se do t’i vazhdojmë protestat kundër këtij pushteti, i cili vazhdimisht ka punuar kundër veteranëve të luftës së UÇK-së dhe shtresat e tjera të shoqërisë”, ka shkruar Klinaku.
http://199.192.21.43/2024/06/26/kushtetuesja-nuk-gjen-shkelje-ne-plotesim-ndryshimin-e-ligjeve-per-pagen/
Ai tha se për kohën e organizimit të protestave do të merret vendim nga organet drejtuese të veteranëve.
Kujtojmë se Gjykata Kushtetuese e Kosovës, sot ka njoftuar se, ka hedhur poshtë të gjitha kontestimet e bëra nga shefi i Grupit parlamentar të deputetëve të Aleancës për Ardhmërinë e Kosovës, Besnik Tahiri, rreth Ndryshimit dhe Plotësimit të Ligjeve që përcaktojnë Shumën e Beneficionit në Lartësi të Pagës Minimale, Procedurat e Caktimit të Pagës Minimale dhe Shkallët Tatimore në të Ardhurat Personale Vjetore.
