Rreziku i lartë nga uria do të vazhdojë në të gjithë Rripin e Gazës për sa kohë që lufta midis Izraelit dhe Hamasit të vazhdojë dhe qasja në ndihmat humanitare mbetet e kufizuar, pavarësisht se disa ndihma të tjera arrijnë në zonat veriore, tha një monitorues i urisë në botë.
Shumë fëmijë palestinezë janë duke vuajtur nga kequshqyerja, si pasojë e mungesës së ushqimit dhe gjërave elementare për jetesë. Ndonëse ata po trajtohen nëpër spitalet e improvizuara brenda Rripit të Gazës, shumë prej tyre janë në pritje për t’u transferuar në spitale jashtë vendit për trajtim shkaku i gjendjes së rënduar shëndetësore.
Por, mbyllja e pikëkalimit në Rafah mes Egjiptit dhe Gazës ka pamundësuar evakuimet mjekësore të së paku 2.000 pacientëve, tha një zyrtar i Organizatës Botërore të Shëndetësisë (OBSh), duke bërë thirrje që Rafahu dhe rrugë të tjera të rihapen. /Radio Evropa e Lirë/
Fotografia është bërë në Han Junis, në pjesën jugore të Rripit të Gazës më 19 qershor 2024.
Mbyllja e pikëkalimit në Rafah mes Egjiptit dhe Gazës ka pamundësuar evakuimet mjekësore të së paku 2.000 pacientëve, tha një zyrtar i Organizatës Botërore të Shëndetësisë (OBSH), duke bërë thirrje që Rafahu dhe rrugë të tjera të rihapen.
Para mbylljes së pikës në Rafah, “rreth 50 pacientë në gjendje kritike janë larguar nga Gaza çdo ditë… Do të thotë, që nga 7 maji të paktën 2.000 persona nuk kanë mundur të largohen nga Gaza për të marrë trajtim mjekësor”, tha Rik Peeperkorn, përfaqësues i OBSH-së për Gazën dhe Bregun e pushtuar Perëndimor.
Kjo fotografi u shkrep në spitalin e improvizuar të Korpusit të Mjekëve Ndërkombëtarë në Deir Al-Balah ku po trajtohet kjo foshnje.
