Policia ukrainase ka nxitur banorët që të evakuohen nga Lipci, një fshat i dërrmuar nga lufta në rajonin e Harkivit, rreth 5 kilometra larg kufirit me Rusinë.
Vetëm disa fshatarë kanë mbetur në atë që dikur ishte vendbanim i qetë, mes shtimit të sulmeve ajrore ruse.
Një banor ka thënë se ka zgjedhur të rrijë në zonë, dhe se po ushqen qentë e braktisur, të cilët jetojnë mes rrënojave të fshatit të shkatërruar.
