Një numër në rritje i zyrtarëve të lartë demokratë dhe përkrahësve të partisë po mbështesin Kamala Harrisin që të jetë kandidatja presidenciale e partisë, pasi Joe Biden u largua nga gara.
Zëvendëspresidentja Kamala Harris nuk humbi kohë për të nisur fushatën e saj presidenciale 2024, duke kërkuar mbështetjen e kolegëve demokratë me mbështetjen e presidentit Joe Biden, pasi ai u tërhoq nga gara mes shqetësimeve për moshën dhe shëndetin e tij.
Zyrtarët e fushatës së saj dhe aleatët bënë qindra thirrje në emër të Harrisit të dielën, duke u kërkuar delegatëve që në konventën e Partisë Demokratike, e cila mbahet muajin e ardhshëm, ta mbështesin për presidente në zgjedhjet e 5 nëntorit kundër republikanit Donald Trump.
Burime të shumta thanë se thirrjet, që synonin bllokimin e sfiduesve të mundshëm demokratë, filluan pothuajse menjëherë pasi 81-vjeçari Biden braktisi garën.
Harris ka folur me guvernatorin e Pensilvanisë, Josh Shapiro, që shihet si një kandidat potencial për zëvendëspresident, udhëheqësin demokrat të Dhomës së Kongresit, Hakeem Jeffries, dhe përfaqësuesin e kryetarit të Grupit të Zi të Kongresit, Steven Horsford, thonë burime të afërta me këtë çështje.
Harris, një grua 59-vjeçare me ngjyre dhe prejardhje dhe aziatiko-amerikane, do të krijonte një dinamikë krejtësisht të re me Trumpin, 78 vjeçar, ndërsa ShBA nuk kanë zgjedhur ende një grua presidente në historinë e saj 248-vjeçare.
“Harris do të jetë më e lehtë për t’u mposhtur sesa do të kishte qenë Joe Biden,” pohoi Trump në CNN menjëherë pas njoftimit të Biden.
Biden, personi më i vjetër që ka zënë ndonjëherë Zyrën Ovale, tha se do të qëndrojë në presidencë deri në përfundimin e mandatit të tij më 20 janar 2025, ndërsa miratoi zonjën Harris të kandidojë për president në vend të tij.
