Oda Ekonomike e Kosovës është bërë me Departamentin e Shëndetësisë, si pasojë e nënshkrimit të marrëveshjes së bashkëpunimit me Asociacionin e Spitaleve Private.
Kryetari Lulzim Rafuna u shpreh i kënaqur që OEK hap edhe një degë të re.
“Ky Departament i ri në OEK zgjeron fushëveprimin tonë dhe është një vlerë e shtuar për Odën Ekonomike. Është një mundësi e madhe për institucionet shtetërore që të pranojnë propozimet profesionale, konkrete, në fushën e politikë-bërjes, e që do të ndikojnë në përmirësimin e sektorit të shëndetësisë në përgjithësi në Kosovë”, u shpreh ai.
Sipas njoftimit, ky bashkëpunim synon që të ndërtojë Strategjinë për mbështetjen e sektorit privat shëndetësor, si the të thellojë bashkëpunimin me institucionet. /Kosovatimes/
