Gjermania ka mposhtur Spanjën duke siguruar medaljen e bronztë në futboll për femra në Lojërat Olimpike Paris 2024.
Rezultati i ndeshje së zhvilluar në “Groupama Stadium” ka qenë 1-0.
Goli i vetëm i ndeshjes ka ardhur në pjesën e dytë, përkatësisht në minutën e gjashtëdhjetë e katërt, nga një penallti e gjuajtur saktë nga Giulia Gwinn, e cila ishte vendimtare për t’i dhënë fitoren ekipit gjerman. Megjithatë, momenti më dramatik ka qenë ai i minutës së fundit të kohës shtesë, kur Spanja ka pasur një mundësi të artë për të barazuar rezultatin, por portierja gjermane, Ann-Katrin Berger, ka bërë një pritje të jashtëzakonshme, duke devijuar topin e hedhur nga Alexia Putellas, ylli i ekipit spanjoll dhe një nga futbollistet më të mira në botë.
Finalja ShBA-Brazil zhvillohet të shtunën me fillim nga ora 17:00.
