Presidenti rus u takua me liderin çeçen Ramzan Kadyrov, me të cilin vizitoi xhaminë e sapondërtuar në kryeqytetin Grozny.
Një video është shfaqur në internet që tregon presidentin rus Vladimir Putin duke puthur një kopje të Kuranit gjatë vizitës së tij në Çeçeni këtë javë, ndërsa një ofensivë e fortë ukrainase vazhdon në territorin rus.
Putin takoi gjithashtu udhëheqësin çeçen Ramzan Kadyrov, me të cilin vizitoi një xhami të sapondërtuar në kryeqytetin Grozny, vizita e tij e parë në zonë që nga viti 2011. Atje, liderit të Kremlinit iu dhurua një kopje e Kuranit të Shenjtë të zbukuruar me ar, përpara se ta puthte para kamerave.
Qëllimi i udhëtimit të paplanifikuar në vendin me shumicë myslimane ishte inkurajimi i vullnetarëve ushtarakë që trajnohen atje përpara se të dërgoheshin në fushën e betejës ukrainase, pasi Rusia vazhdon të pësojë humbje të mëdha, raportoi British Express .
Megjithëse Rusia nuk jep shifra për humbjet e saj, zyrtarët perëndimorë besojnë se 1200 ushtarë rusë u vranë ose u plagosën çdo ditë në maj dhe qershor, shkalla më e lartë e viktimave që nga fillimi i pushtimit të Putinit në Ukrainë në shkurt 2022.
Russian President Putin kissed the Holy Quran that was presented to him as a gift during his visit to Chechnya. pic.twitter.com/AYdJVjh7R8 — Clash Report (@clashreport) August 21, 2024 “>
