Edhe vera e vitit 2024 ishte më e ngrohta në botë që kur ka filluar regjistrimi i temperaturave, ku edhe kontineti ynë vuajtur nga valët e gjata të nxehtësisë. Vera e vitit 2024 ishte më e ngrohta në histori në Tokë, sipas Shërbimit të Ndryshimeve Klimatike Copernicus.
Ishte gjithashtu më i ngrohta në të gjithë Evropën me 1.54 C mbi mesataren afatgjatë 1991-2020, duke tejkaluar rekordin e mëparshëm nga viti 2022.
Gushti ishte gjithashtu muaji i 13-të në një periudhë 14-mujore ku temperatura mesatare globale tejkaloi 1.5C mbi nivelet para-industriale. Deri më tani këtë vit temperatura mesatare globale ka qenë 0.7C mbi mesataren e viteve 1991-2020, që është më e larta në rekord.
Prandaj, ka gjithnjë e më shumë gjasa që viti 2024 të jetë viti më i ngrohtë i regjistruar globalisht, sipas shërbimit të jashtëm të BE-së për klimën Copernicus. Ishte vetëm viti i kaluar kur temperaturat mesatare globale arritën një rekord të lartë.
Zëvendësdrejtoresha e Copernicus, Samantha Burgess tha: “Ngjarjet ekstreme të lidhura me temperaturën e dëshmuar këtë verë do të bëhen më intensive”. Në të gjithë Evropën, rekordet e temperaturës janë thyer gjatë verës. Austria ishte më e ngrohta në histori. Ndërsa Spanja pati gushtin e saj më të ngrohtë në histori bashkë me Finlandën, ndërsa Zvicra ishte e dyta.
Ndërsa aktivitetet njerëzore kanë qenë shkaku më i rëndësishëm i rritjes së temperaturës globale, nxehtësia rekord në 2023 dhe në 2024 është rritur nga modeli klimatik natyror i El Niño.
El Niño – një ngrohje natyrore e temperaturave të sipërfaqes së detit në Paqësorin lindor – u vëzhgua nga qershori 2023 deri në maj 2024.
