“Forca ajrore mbretërore jordaneze dhe sistemet e mbrojtjes ajrore iu përgjigjën raketave dhe dronëve të shumtë që hynë në hapësirën ajrore jordaneze”, thuhet në deklaratë.
Irani ka lëshuar rreth 180 raketa balistike në drejtim të Izraelit në mes të tensioneve të rritura mes dy rivalëve rajonalë.
Korpusi i Gardës Revolucionare Islamike (IRGC) tha se sulmi ishte në përgjigje të vrasjeve të liderit të Hamasit Ismail Haniyeh, liderit të Hezbollahut, Hassan Nasrallah dhe komandantit të IRGC-së, Abbas Nilforoshan.
Haniyeh u vra në një sulm në Teheran në korrik, ndërsa Nasrallah dhe Nilforoshan u vranë në një sulm ajror në kryeqytetin libanez Bejrut javën e kaluar.
Kryeministri izraelit Benjamin Netanyahu tha se Irani bëri një “gabim të madh” me këtë sulm raketor dhe “do të paguajë për të”.
Ministri i Jashtëm i Iranit, Abbas Araghchi, ka paralajmëruar se Irani do të japë një “përgjigje edhe më të ashpër” nëse Izraeli hakmerret për një sulm të fundit me raketa në territorin e tij.
