Real Madrid është nderuar me çmimin “Klubi i vitit për meshkuj” në ceremoninë e “Topit të Artë” në Paris, por aty nuk ka qenë askush nga klubi.
Kjo pasi gjatë ditës klubi madrilen vendosi të tërheqë delegacionin e tij nga ceremonia e mbajtur të hënën në Paris pasi kishte marrë informacione se Vinicius Jr., një nga favoritët kryesorë për trofeun, nuk do të shpallej fitues.
Vinicius Jr. cilësohej si një pretendent i fortë për çmimin, duke lënë pas emra të njohur si mesfushori i Manchester City, Rodri, dhe bashkëlojtarin e tij, Jude Bellingham, reprezentues i Anglisë në Real Madrid, të cilët gjithashtu ishin në garë për çmimin e lojtarit më të mirë në botë.
