Partia Demokratike e Kosovës ka mbajtur sonte Konventën e partisë, ku kandidati i PDK-së për kryeministër, Bedri Hamza, ka shpalosur programin për zgjedhjet nacionale që do të mbahen më 9 shkurt. Kryetari Memli Krasniqi tha se PDK po e nis një etapë të re me vizionin për një Kosovë më të mirë.
Sonte, mbi vizionin për një Kosovë më të mirë, Partia Demokratike e Kosovës po e nisë një epokë të re. Si Kryetar i PDK-së, unë ju premtoj se do të udhëheqim me shembull. Ndryshimin do ta shihni në çdo vendim e çdo projekt që do të marrim përsipër. Në secilën sfidë që do ta trajtojmë”, ka thënë kryetari i PDK-së, Memli Krasniqi.
Ndërkohë kandidati i PDK-së për Kryeministër, Bedri Hamza, ka premtuar se do të punojë që “ta bëjë Kosovën më të mirë”.
Duke prezantuar premtimet, Hamza ka bërë të ditur se plani i tij ndërtohet në pesë qëllime kyçe: 1. Zhvillim i qëndrueshëm ekonomik, 2. Jetë më e mirë për secilin, 3. Arsim për të ardhmen, 4. Sistem shëndetësor me pacientin në qendër, 5. Një Kosovë e sigurt dhe e integruar.
