Gjeneralmajor Enrico Barduani, komandanti i misionit të KFOR-it të udhëhequr nga NATO, u takua me ministrin e Mbrojtjes së Maqedonisë së Veriut, Vlado Misajlovski, dhe shefin e shtabit të përgjithshëm të ushtrisë së Maqedonisë së Veriut, gjeneralmajor Sashko Lafchiski, në Pallatin e Ministrisë së Mbrojtjes së Maqedonisë së Veriut.
Në një njoftimi për medie përmes rrjetit social ‘Facebook’, KFOR bën të ditur se gjatë takimit u bisedua për trendet e sigurisë në Kosovë dhe rajon më gjerë, duke theksuar rëndësinë e bashkëpunimit të vendeve në Organizatat Ndërkombëtare dhe rolin e NATO-s.
“Gjeneralmajor Enriko Barduani nënvizoi përpjekjet e përditshme të KFOR-it për të përmbushur mandatin e tij të OKB-së dhe për të mbështetur dialogun e lehtësuar nga BE midis Beogradit dhe Prishtinës”, thuhet në njoftim. /Kosovatimes/
