Mel Gibson është një nga shumë yjet e Hollivudit, shtëpitë e të cilëve u shkatërruan nga zjarri në Los Anxhelos.
Gibson tha se ai ishte “pak nervoz” gjatë regjistrimit të podcast-it, por gjithashtu e dinte se familja e tij ishte jashtë rrezikut dhe se ata kishin arritur të shpëtonin disa gjëra të rëndësishme, të tilla si pasaportat e tyre.
Ai deklaroi se ishte i pikëlluar për humbjen e shtëpisë së tij, se i humbi veprat e artit, fotografitë dhe librat e rrallë, duke shtuar se në fund të fundit këto ishin “vetëm gjëra”.
Në një intervistë për Fox News, ai tha gjithashtu se dikush duhet të mbajë përgjegjësi pasi kaq shumë njerëz humbën shtëpitë e tyre, transmeton Index
“Sa i përket sjelljes së autoriteteve, gjoja disa njerëz kanë fjetur në punë, kryesisht drejtuesit tanë. Është diçka me të cilën duhet të jetojnë. Fëmijët janë të traumatizuar. Dikush duhet të mbajë përgjegjësi për këtë”.
