Policia franceze ka arrestuar shtatëmbëdhjetë tifozë të Feyenoord, ndërsa gjashtëdhjetë e katër të tjerë janë ndaluar në kufi, pasi tifozët e klubit holandez janë ndaluar të udhëtojnë për në Lille për ndeshjen e së mërkurës në Champions League.
Ndërkohë, Policia gjermane ka ndaluar pesëdhjetë e nëntë tifozë të Paris Saint-Germain para ndeshjes kundër Stuttgart, për të parandaluar përleshjet e mundshme me tifozët vendas. Tifozët francezë janë ndaluar dhe do të mbahen në paraburgim deri pas ndeshjes.
Feyenoord pritet të përballet me Lille, ndërsa Stuttgart me PSG-në, në ndeshjet e fundit të fazës së parë në Champions League.
Sipas formatit të ri të garës, tetë skuadrat e para në renditje kualifikohen direkt në fazën e 1/16-ave, ndërsa ekipet nga vendi i nëntë deri në të njëzet e katërt duhet të luajnë në “playoff” për të siguruar një vend në raundin tjetër. Aktualisht, Lille ndodhet në vendin e dymbëdhjetë, Feyenoord në të njëmbëdhjetin, PSG në të njëzet e dytin, ndërsa Stuttgart në vendin e njëzet e katërt.
Deri më tani, vetëm Liverpool dhe Barcelona kanë siguruar kualifikimin për fazën tjetër të garës.
