Sekretari amerikan i Mbrojtjes, Pete Hegseth ka mbrojtur negociatat e planifikuara të presidentit amerikan Donald Trump me homologun e tij rus, Vladimir Putin për paqen në Ukrainë.
“Kjo, sigurisht nuk është një tradhti”, tha Hegseth në takimin e ministrave të Mbrojtjes të NATO-s në Bruksel.
Hegseth theksoi se asnjë vend nuk e kishte mbështetur Ukrainën më shumë se Shtetet e Bashkuara të Amerikës.
“Ekziston një njohje se e gjithë bota dhe Shtetet e Bashkuara të Amerikës janë të investuara dhe të interesuara për paqen, një paqe të negociuar”, tha ai, duke shtuar se do të kërkonte që të dyja palët të njihnin gjërat që nuk i dëshironin.
“Vetëm Trump mund të mblidhte të dyja palët për të sjellë paqen”, tha Hegseth.
